Á vefstefnunni: Er leikur að læra? sem haldin var 4. apríl 2022 voru kynntar niðurstöður rannsóknar sem Félagsvísindastofnun Háskóla Íslands hefur unnið fyrir Félag lesblindra á Íslandi, þar sem sjónum er beint að tengslum lesblindu og kvíða. Þetta er viðamikil könnun á námi, líðan og fleiru meðal ellefu þúsund nemenda á unglingastigi í grunnskólum landsins.
Leitað er svara við því hvort og hvernig lesblinda eða lestrarörðugleikar ungmenna hafi áhrif á frammistöðu í námi. Hefur það áhrif á sjálfsmat og sjálfsöryggi þeirra? Finna þau sem eiga við lestrarörðugleika að stríða frekar fyrir andlegri vanlíðan og kvíða, heldur en jafnaldrar þeirra?
Á vefstefnunni komu fram:
Snævar Ívarsson framkvæmdastjóri Félags lesblindra á Íslandi;
Guðbjörg Andrea Jónsdóttir, forstöðumaður Félagsvísindastofnun Háskóla Íslands;
Ásdís Aðalbjörg Arnalds verkefnastjóri hjá Félagsvísindastofnun Háskóla Íslands;
Þórhildur Halldórsdóttir, lektor við Háskólann í Reykjavík;
Guðmundur Johnsen, formaður Félags lesblindra á Íslandi.
Kynnir var Davíð Stefánsson.
Það má nálgast vefstefnuna á Youtube rás félagsins.
https://youtu.be/chr4Vm9Q6GQ